काठमाडौं । माओवादी अध्यक्ष पुष्पकमल दाहाल प्रचण्डको सचिवालयले नेपाली कांग्रेसका महामन्त्री गगन थापालाई जवाफ फर्काएको छ ।
बिहीबार कीर्तिपुर नगरपालिकाको उपनिर्वाचनको चुनावी सभालाई सम्बोधन गर्दै महामन्त्री थापाले प्रचण्डले अहिले कांग्रेसलाई प्रधानमन्त्री बनिदिनुस् भन्दै खबर पठाउने गरेको बताएका थिए ।
महामन्त्री थापाको उक्त भनाइपछि प्रचण्डका स्वकीय सचिव रमेश मल्लले सामाजिक सञ्जालमा लेख्दै माओवादीले कसैलाई प्रधानमन्त्री बनिदिनुस् भनेर नहिँड्ने बताए । साथै उनले माओवादी अब आफ्नै जनादेश अनुसार प्रधानमन्त्री बन्ने हैसियत बनाउने समेत बताए ।
‘महामन्त्री जी ! यति कुरा हेक्का राख्नुस, माओवादी अब कसैलाई प्रधानमन्त्री बनिदिनुस भनेर हिड्दैन, माओवादी नयाँ जनादेश सहित आफैँ प्रधानमन्त्री बन्ने हैसियत बनाउँछ,’ उनले भनेका छन् ।
त्यस्तै कीर्तिपुरमा नेपाली कांग्रेसको ओरालो यात्रा सुरु भएको भन्दै त्यसको मनोदशा छछल्किएको आरोप लगाए ।
‘कीर्तिपुरको निर्वाचनमा नेकाको ओरालो बाटो तपाईंको मनोदशाबाट राम्रैसङ्ग छछल्किएछ,’ उनले भनेका छन् ।
यो खबर पढेर तपाईलाई कस्तो महसुस भयो ?
प्रतिक्रिया