ब्राइटनमाथि म्यानयुको कठिन जित, चेल्सी र लिभरपुल बराबर

काठमाडौं, १० मंसिर । इङ्लिस प्रिमियर लिग फुटबलमा म्यान्चेस्टर युनाइटेडले ब्राइटनमाथि १–० को कठिन जीत हात पारेको छ ।आफ्नै घरेलु मैदान ओल्ड ट्राफोर्डमा भएको युनाइटेडको जितमा लेविस डन्कले आत्मघाती गोल गरे शनिबारराति नै भएको अर्को खेलमा चेल्सी र लिभरपुलले बराबरी खेल्दै अंक बाँडेका छन् लिभरपुलको मैदानमा भएको खेलमा घरेलु टोलीका मोहमद सालाहले पहिलो गोल गर्दै अग्रता दिलाएका थिए । तर अत्तिरित्त खेलाडीका रुपमा मैदान छिरेका विलियनले चेल्सीका लागि बराबरी गोल फर्काए प्रिमियर लिगअन्तर्गत गएराति भएका अन्य खेलमा क्रिष्टल प्यालेसले स्टोक सिटीलाई २–१ ले पराजित ग¥यो भने वाट्फोर्डले न्युकासल युनाईटेडलाई ३–० ले हरायो प्रिमियर लिग फुटबलमा टोटनह्याम हट्सपरलाई वेष्ट ब्रोमले १–१ गोलको बराबरी रोक्दा स्वान्सी सिटी र बर्नमाउथले गोलरहित बराबरीमा चित्त बुझाएका छन् प्रिमियर लिग फुटबलमा आज राति तीन खेल हुनेछन् । शीर्ष स्थानको म्यान्चेस्टर सिटीले हडर्सफिल्ड टाउनसँग खेल्नेछ भने आर्सनल र बर्नली तथा साउथह्याम्पटन र एभर्टन भिड्नेछन् ।