प्रहरीमाथि गोली प्रहार गर्ने धनुषामा पक्राउ

सिरहा, ११ मंसिर । सिरहामा प्रहरीलाई गोली हानेर फरार भएको ३ जनालाई धनुषा प्रहरीले सोमबार पक्राउ गरेको छ पक्राउ परेको तीनै जनालाई सिरहा ल्याइएने जिल्ला प्रहरी कार्यालय सिरहाका प्रवक्ता प्रहरी नयाव उपरिक्षक राजन भेटवालले जनाएको छ । पक्राउ परेका तीनै जानको परिचय खुलाएको छैन आइतबार दिउँसो सिरहाको पश्चिमवर्ती कल्याणपुर नगरपालिका ५ निर्दनाघाटमा चेकजाँचको क्रममा अज्ञात समूहले गोली प्रहार गर्दा एक म्यादी र एक प्रहरी घाइते भएका थिए इलाका प्रहरी कार्यालय मिर्चैयाका प्रमुख प्रहरी नायव उपरीक्षक गजुसिद्धी बज्राचार्यका अनुसार गोली प्रहारबाट करिब ३३ वर्षीय प्रहरी जवान मायाराम यादव र म्यादी प्रहरी आदर्श कुँवर घाइते भएका हुन् । उनिहरु दुवैको शिक्षण अस्पताल महाराजगंजमा उपचार भइरहेको प्रहरीले जनाएको छ आइतबार सिरहा र धनुषाको सीमाको रुपमा रहेको कमला नदीको पूर्वीमा पर्ने निर्दना घाटमा सवारी चेकजाँचको क्रममा रहेको प्रहरीमाथि मोटरसाइकलमा आएको दुई जनाले गोली प्रहार गरी धनुषातर्फ भागेका उपरीक्षक भेटवालले जानकारी दिएका छन् ।