सप्तरीमा भेटिएको शक्तिशाली टाइम बम नेपाली सेनाले निस्कृय पार्‍यो

सप्तरी, १२ मंसिर । सप्तरीको राजविराज कुनौली सडक खण्डमा भेटिएको शक्तिशाली टाइम बम नेपाली सेनाले निस्कृय पारेको छ सशस्त्र प्रहरी बल सिमा सुरक्षा कार्यालय नजिकै रन्जितपुर भन्ने स्थानमा बम फेला परेको थियो । नेत्रविक्रम चन्द नेतृत्वको नेपाल कम्युनिष्ट पार्टीका कार्यकर्ताले बम पड्काउने योजना बनाइरहेको अवस्थामा स्थानीय नहर छेउबाट प्रहरीले सोमबार राती बम बरामद गरेको थियो गोप्य सूचनाका आधारमा प्रहरीले शंकास्पद दुई जनालाई चेकजाँच गर्दा उनीहरुका साथबाट अत्याधुनिक रिमोट फेला परेको र उनीहरुकै बयानका आधारमा अनुसन्धान गर्दै जाँदा बम फेला परेको प्रहरीको भनाई छ ।