यस्तो रोचक छ यी नायक नायिकाको फेसबुक युद्ध

सामाजिक सञ्जाल धेरै मानिसको विचार पोख्ने साझा थलो बनेको छ । मञ्चमा गएर ठूलै भाषण ठोक्नेदेखि ‘मनका बह’ पोख्नेसम्मका लागि फेसबुक एउटा मञ्च बनेको छ पछिल्लो समयमा माया पिरतीका कुरादेखि एक अर्कालाई तीखो गाली गर्न समेत सामाजिक सञ्जाल नै माध्यम बनेको छ, जसलाई सबैले सदुपयोग र दुरुपयोग गरिरहेका छन् यसै सन्दर्भमा पछिल्लो समयमा नेपाली चलचित्र क्षेत्रका नायक नायिकाबीचको रोच र घोचक दोहोरी सामाजिक सञ्जालमा चलेको छ । जसले गर्दा नेपाली चलचित्र क्षेत्रमा समेत ठूलै चर्चां भइरहेको छ खासगरी फिल्म ‘छक्का पञ्जा’ को टोली र नायिका ऋचा शर्माबीच फेसबुकय्द्ध नै चलेको छ । नायिका ऋचा शर्माले छक्का पञ्जा हेरेर ताली बजाउने दर्शकलाई मुर्ख भनेपछि छक्का पञ्जाका नायक दिपकराज गिरीले फेसबुकमार्फत भने, ‘ एकजना नायिकाले हाम्रो चलचित्र हेरेर तालि बजाउने दर्शक लाइ मूर्ख भन्नु भएछ…..‘प्रिय नायिकाज्यू दर्शकलाइ मूर्ख भन्नु भएकोले नै तपाइकाफिल्मले कहिल्यै दर्शक पाएनन्….’ गेट वेल सुन !नायिका रेखा थापाले ऋचालाई समर्थन गर्दै ‘छक्का पञ्जा’ टीमलाई ‘जोक्करहरु’ भनेपछि त झन यो काण्डले उग्र रुप लिएको छ नायिका नीता ढुंगानाले लेखेकी छिन्, ‘यहाँ कसैलाई राम्रोमा राम्रो र नराम्रोमा नराम्रो भन्न पाइदैन रैछ ।’उनको यो स्टाटसले उनी ऋचाको समर्थनमा उत्रिएको प्रष्टिन्छ । यी नीताले दिपकराज गिरी र दिपा श्री निरौलाको फिल्म ‘६ एकान ६’ मा काम गरेकी थिइन् यस्तै, निर्देशक प्रदीप भट्टराईले फेसबुकमा लेखेका छन्, ‘देश चुनावमय भएर हो कि चलचित्रकर्मी पनि कांग्रेस अनि कम्युनिष्ट जस्तो दुई कित्तामा बिभाजन भएजस्तो लाग्दैछ । याद गर्नुस् लड्ने काम नेता नेतृको हो अभिनेता र अभिनेत्रीको हैन । सम्यमता अपनाऔ, हामीलाई जुधाउने काम भैरहेको छ ।’