त्रिशूलीमा बस खस्दा ७ जनाको मृत्यु, २३ जना घाइतेको उद्दार

धादिङ, १३ मंसिर । त्रिशुली नदीमा बस खस्दा ७ जनाको मृत्यु भएको छ भने अन्य २३ जना घाइतेको उद्दार गरिएको छ काठमाडौंबाट अर्घाखाँची जाँदै गरेको लु २ ख २९१ नम्बरको बस पृथ्वी राजमार्गअन्तर्गत चितवनको फिस्लिङबाट त्रिशूली नदीमा खसेको हो विपरित दिशाबाट आएको ना ६ ख ४९७२ नम्बरको ट्रकसँग ठक्कर खाएर बस नदीमा खसेको बताइएको छ दुर्घटनामा परी मृत्यु भएका मध्ये ६ जनाको दुर्घटना लगत्तै शव निकालिएको थियो भने अन्य एक जनाको गोताखोरले पानीमा डुबेको बस भित्रबाट शव निकालेका हुन् दुर्घटनामा मृत्यु भएकाहरुको सनाखत हुन सकेको छैन । बस पूर्णरुपमा त्रिशूलीमा डुबेको छ । घाइतेहरुलाई उपचारका लागि चितवन मेडिकल कलेजमा उपचारका लागि भर्ना गरिएको छ । बसमा कति यात्रु थिए भन्ने अझै खुलेको छैन दुर्घटना लगत्तै नेपाली सेना, नेपाल प्रहरी, सशस्त्र प्रहरी र स्थानीयबासिन्दा उद्दारमा जुटेका छन् ।