मतपेटिका सुरक्षाबारे बोल्यो निर्वाचन आयोग

काठमाडौं–निर्वाचन आयोगले पहिलो चरणमा सम्पन्न प्रदेशसभा र प्रतिनिधिसभा निर्वाचनको मतपेटिकाका लागि आवश्यक सबै खालको सुरक्षा व्यवस्था मिलाइएको स्पष्ट पारेको छ गत आइतबार सम्पन्न ३२ वटा जिल्लाको निर्वाचनको मतपेटिकाका लागि आवश्यक सबै सुरक्षाको व्यवस्था गरिएको निर्वाचन आयोगका प्रवक्ता नवराज ढकालले बताए उनले सम्बन्धित जिल्ला निर्वाचन कार्यालयको रेखदेख, नियन्त्रण र व्यवस्थापनमा मतपेटिकाको आवश्यक सबै खालको सुरक्षा व्यवस्था मिलाइएको पनि बताए निर्वाचन आयोगले राजनीतिक दलहरुको सहमतिमा आवश्यक परे मतपेटिका राखिएको स्थान वरपर सिसी टिभी क्यामेराको समेत व्यवस्था गर्न सम्बन्धित जिल्लाका मुख्य निर्वाचन अधिकृत वा निर्वाचन अधिकृतलाई पनि निर्देशन दिइसकेको छ निर्वाचन आयोगले निर्वाचन आचारसंहिता विपरित निर्वाचनमा भड्किलो खर्च नगर्न पनि सबै उमम्देवारहरुलाई पुनः सचेत गराएको छ । निर्वाचन आयोगका प्रवक्ता ढकालले तोकिएको खर्चको सिमा भित्र रहेर निर्वाचनमा खर्च गर्न सबै उम्मेदवारलाई पुन सचेत गराएका हुन् प्रतिनिधि सभा सदस्यका उम्मेदवारका लागि बढिमा २५ लाख र प्रदेश सभा निर्वाचनका लागि बढिमा १५ लाख खर्च गर्न पाउने कानुनी व्यवस्था छ । तर उम्मेदवारहरुले ठूलै धनराशी खर्च गर्न थालेपछि निर्वाचन आयोगले त्यसो नगर्न राजनीतिक दलहरुलाई पटक पटक सचेत गराउँदै आएको छ । आगामी मंसीर २१ गते दोस्रो चरणमा प्रदेश सभा र प्रतिनिधि सभा निर्वाचन हुँदैछ निर्वाचन आयोगले निर्वाचन आचारसंहिता विपरितका गतिविधि हुन नदिन सबै निर्वाचन क्षेत्रमा अनुगमनको व्यवस्था पनि गरेको छ ।