बाराको सिमरामा फारममा सुतेका श्रीमान श्रीमतीको विभत्स हत्या

सिमरा, १६ मंसिर । बारामा एक दम्पत्तिको विभत्स हत्या भएको छ । बाराको जितपुर सिमरा उपमहानगरपालिका बजनीमा व्यवसायीक गाईपालन गर्दै आएका ३७ वर्षीय दीपक सुवेदी र उनकी श्रीमती ३२ वर्षीया दीपाको हत्या भएको हो घर नजिकैको गाई फारममा सुतेका उनीहरुको शनिबार बिहान शब फेला परेको प्रहरीले जनाएको छ । श्रीमतीको शव गाई फारमभित्र र श्रीमानको शव फारम बाहिर परालको टौवा नजिक फेला परेको थियो उनीहरुको अनुहार र टाउकोमा गम्भीर चोट लागेको अवस्थामा क्षतविक्षत शब भेटिएको छ घरेलु चक्कु र बाँसको भाटाले प्रहार गरेर हत्या गरेको अवस्थामा सुवेदी दम्पतीको शव फेला परेको जिल्ला प्रहरी कार्यालय बाराले जनाएको छ हत्या अनुसन्धानका लागि केन्द्रीय अनुसन्धान ब्युरो सीआईबीको टोली बारा पुगेको छ भने अनुसन्धानका लागि चुनावमा खटिएका प्रहरी समेत परिचालन गरिएको छ घरदेखि ५ सय मिटर टाढा गाई फारममा सुवेदी दम्पत्ति सुतेका थिए भने छोराछोरी घरमा थिए । गाईहरु धेरै कराएपछि हेर्न जाँदा शव फेला परेको स्थानीयको भनाई छ ।