४ वटा पेस्तोलसहित तनहुँमा ३ जना पक्राउ

पोखरा, १८ मंसिर । तनहुँको आँबुखैरेनीबाट ४ वटा पेस्तोल र त्यसमा प्रयोग हुने गोलीसहित ३ जना पक्राउ परेका छन् । विशेष सूचनाका आधारमा सोमबार बिहान उनीहरु पक्राउ परेका हुन् पक्राउ पर्नेमा आँबुखैरेनी गाउँपालिका–३ का २८ वर्षीय अभियान श्रेष्ठ, आँबुखैरेनी गाँउपालिका–४ का २४ वर्षीय विजय गुरुङ र सोही स्थानका २६ वर्षीय जय गुरुङ रहेको प्रहरीले बताएको छ त्यस्तै, इलाका प्रहरी कार्यालय आँबुखैरेनीलाई दिएको विशेष सूचनाका आधारमा प्रमुख प्रहरी निरीक्षक लोकबहादुर गुरुङको नेतृत्व खटिएको टोली र कृष्णदल गण ढकालटारबाट प्रमुख सेनानी अशोक कमार कार्की नेतृत्वको संयुक्त टोलीले राति १२ बजेबाट विशेष निगरानी पछि उनिहरुलाई पक्राउ गरेको प्रहरीले जनाएको छ पक्राउ परेका उनीहरुको साथबाट युएसएमा निर्मित ६ राउण्ड गोली लोड भएको ३ थान पेस्तोल, ३ थान एक्स्ट्रा म्याग्जिन, ३९ थान एक्स्ट्रा गोली, गोली नभएको खाली इएटालियन पेस्तोल १ थान, म्यागनम हतियारमा प्रयोग हुने गोली ४८ थान, खेलौना पेस्तोल १ थान र चक्कु १ थान बरामद गरिएको प्रहरीले जनाएको छ पक्राउ परेका तीनै जनालाई थप अनुसन्धानका लागि इलाका प्रहरी कार्यालय आँबुखैरेनीको हिरासतमा राखिएको प्रहरीले जनाएको छ ।