नाजिरले आखाँ भरि आँसु बनाउँदै भने, ‘म भारतीय धोती होइन, नेपाली हुँ’

काठमाडौं, ९ पुस ।  अभिनेता मोहम्मद नाजिर हुसेनको नाम पहिलो पटक सुन्दा उनलाई भारती व्यक्ति हुन भन्ने सम्झन्छन् । नामकै आधारमा कुन देशको मानिस हो भन्ने कुराको अनुमान लगाउने समाजमा नाजिरलाई धेरै व्यक्तिहरुले ‘भारतीय धोती’ भन्ने गरेका छन् । नाजिर मुस्लिम समुदायमा जन्मिए पनि उनका आमा नभने हिन्दू हुन् सायद संयोग नै मानै, डेब्यू फिल्म ‘होस्टेल रिर्टन्स’मा उनले मधेशी पात्रकै अभिनयमा काम गरे । यही फिल्मबाट उनि चर्चामा आए तर, उनलाई भारतीय र मधेशीको छाप भने नमज्जाले लाग्यो सामाजिक सञ्जालमा आउने ‘भारतीय धोती’ जस्ता कमेन्टले नाजिर निकै चित्त दुखाउँछ । नाजिरले भनेका छन्, ‘म एक नेपाली हु, मेरो मातृभाषा नेपाली हो । म भारतीय होइन् ।’यसो भन्दै गर्दा नाजिरको आखा भरि आँसु देखिएको थियो । उनले थपदै भने, ‘हजुरबुबाको पालादेखि नै हामी विरगञ्जमा बस्दै आएका छौं । सामाजिक सञ्जालमा धरैले मलाई ‘भारतीउ धोती’ भनेर कमेन्ट गर्दा मेरो मन साह्रै दुख्छ । म विशुद्ध नेपाली हुँ । मेरो बुबा मुस्मिल हुनुनुहन्छ भने मेरी आमा हिन्दू हुनुहुन्छ । मेरो पितृभाषा भोजपुरी हो । तर, जीवनमा यो जिवनमा सधै तारिफ मात्र पनि कहाँ हुदो रहेछ । गालीले पनि धेरै कुरा नै सिकाउँदो रहेछ ।’अहिले नाजिर निकै व्यस्त छन् । यही पुस २१ गतेबाट प्रदर्शनमा आउने फिल्म ‘राज्जा रानी’को प्रमोशनमा व्यस्त रहेका छन् । नाजिरले ‘वीर विक्रम’, ‘तिमीसँग’, ‘गाँठो’ जस्ता फिल्म काम गरिसकेका छन् उनी आफूलाई नराम्रो भन्नेलाई जवाफ दिएर आफ्नो समय बर्बाद गर्न नचाहने बताउँछन् । उनी अगाडि भन्छन्, ‘नराम्रा कमेन्टले पनि मान्छेलाई धेरै कुरा सिकाउँछ । जसको जति औकात र क्षमता हुन्छ त्यसले त्यति नै सोच्ने गर्छ । म नराम्रो भन्नेको पछि लाग्न थाले भने मेरो पहिचान हराउँछ जस्तो लाग्छ । त्यसैले म सधै कामलाई नै बढी प्रथमिकता दिने गर्छु ।’