आईसीसी एकदिवसीय विश्वकप क्रिकेटमा आज (शनिबार) दुई खेल हुँदैछ ।
पहिलो खेलमा साविक विजेता अस्ट्रेलिया र पूर्व श्रीलंका भिड्दैछन् ।
लन्डनको दी ओभल स्टेडियममा साँझ ३ः१५ बजे सुरु हुने खेलमा बलियो टोली अस्ट्रेलिया र श्रीलंका दुवैको लक्ष्य जित निकाल्ने रहेको छ ।
यसैगरी सोफिया गार्डेन्समा साँझ ६ः१५ बजे सुरु हुने दोस्रो खेलमा दक्षिण अफ्रिका र अफगानिस्तानले प्रतिस्पर्धा गर्नेछन् ।
अफ्रिका र अफगानिस्तान यस विश्वकपमा निकै कमजोर देखिएका छन् ।
अस्ट्रेलिया र श्रीलंकाको विश्वकपमा यो पाँचौं खेल हो ।
यसअघिका चारमध्ये तीन खेलमा विजयी भएको अस्ट्रेलिया एक खेलमा पराजित भएको छ ।
पाँच पटक विश्वकप उपाधि जितेको अस्ट्रेलिया ६ अंकसहित तालिकाको दोस्रो स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया