बसबाट हाम फाल्दा १ युवतीको मृत्यु

काठमाडौं । चितवनमा बसको ढोकाबाट हामफाल्दा एक युवतीको मृत्यु भएको छ । 

आइतबार नारायणगढबाट भण्डारातर्फ जाँदै गरेको लु १ ख ६९९१ नम्बरको बसमा सवार रत्ननगर नगरपालिका–९ बस्ने ३७ वर्षीया बालिका आचार्यले भरतपुरको चौबीसकोठीमा बसको ढोकाबाट हामफालेकी थिइन् ।

जिल्ला प्रहरी कार्यालय चितवनका अनुसार आचार्यको पुरानो मेडिकल कलेजमा उपचारका क्रममा मृत्यु भएको छ । शव परीक्षणका लागि भरतपुर अस्पतालमा राखिएको र घटनाको अनुसन्धान भइरहेको प्रहरीले जनाएको छ ।