‘स्वीमिङ पुल’मा डुुबेर एक जनाको मृत्यु

काठमाडौं । टोखा नगरपालिकाको धापासीमा ‘स्वीमिङ पुल’ मा डुबेर एक जनाको मृत्यु भएको छ ।

मृत्यु हुनेको सनाखत नभएको महानगरीय प्रहरी वृत्त, महाराजगञ्जका डीएसपी फडिन्द्र प्रसाईेंले बताए । महानगरीय प्रहरी वृत्त, महाराजगञ्जका डीएसपी फडिन्द्र प्रसाईंका अनुसार नेचर क्लबमा रहेको ‘स्वीमिङ पुल’मा डुबेर आइतबार अपरान्ह ४ बजे उनी गम्भीर घाइते भएका थिए ।

‘घाइतेलाई त्रिवि शिक्षण अस्पतालमा लगिएको थियो तर उपचारकै क्रममा उनको मृत्यु भएको हो । प्रहरीले अहिले मृतकको परिचय पत्ता लगाउनका लागि विभिन्न प्रहरी युनिटमा हुलिया परिपत्र गरेको छ । मृतकको सनाखत भएपछि मात्रै पोष्टमार्टम सुरु हुनेछ ।

त्यसपछि मृत्युको कारणबारे खुल्ने प्रहरीले जनाएको छ । घटनाको विभिन्न पाटोबाट विस्तृत अनुसन्धान भइरहेको प्रसाईंले बताए ।