काठमाडौं । डोटीमा श्रीमानले कैँची प्रहार गरी आफ्नै श्रीमतीको हत्या गरेका छन् ।
दिपायल सिलगढी नगरपालिका– ३ बस्ने ४५ वर्षीय कृष्ण नेपालीले श्रीमती ४० वर्षीया मिना नेपालीलाई लुगा काट्ने कैँची प्रहार गरी हत्या गरेको प्रहरीले जनाएको छ ।
सोमबार राति घरायसी कुरामा विवाद हुँदा श्रीमान कृष्ण नेपालीले श्रीमती मिनाको घाँटी र ढाडमा लुगा काट्ने कैँची प्रहार गरी विभत्स हत्या गरेका हुन् ।
हत्या गर्ने कृष्ण नेपालीलाई प्रहरीले पक्राउ गरेको र अनुसन्धान भैरहेको इलाका प्रहरी कार्यालय दिपायलले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया