रेखाको चलचित्रमा रेनशाले निर्देशन गर्ने

काठमाण्डौं । नायिका रेखा थापाको चलचित्र निर्देशक तथा कोरियोग्राफर रेनशा वान्तवा राईले निर्देशन गर्ने भएकी छिन् ।

रेखा फिल्मस्को छैटौँ चलचित्र निर्देशकका रुपमा उनलाई अनुबन्धन गरिएको हो । रेनशाको जन्मदिनको उपहार स्वरुप उनलाई निर्देशकको जिम्मेवारी दिएको रेखा थापाले बताईन ।

रेनशाले गत वर्ष प्रदर्शनमा आएको चलचित्र ‘इन्टु मिन्टु लण्डनमा’बाट निर्देशनमा डेब्यू गरेकी थिइन् । रेखाले आफ्नो चलचित्रको दसैं पछि छायांकन सुरु हुने बताएकी छिन् । अभिमन्यू निरवीले तयार पारेको कथामा निर्माण हुने चलचित्रको नाम भने पक्का गरिएको छैन् ।

अभिनेत्री रेखाले स्त्रिप्टको काम पूरा भएपछि नाम जुराइने बताएकी छिन् । चलचित्रमा नयाँदेखि पुरानासम्म चलेका कलाकारले अभिनय गर्ने भनिएपनि रेखा अफैंले चाहिँ अभिनय गर्ने नगर्ने भन्ने बारे खुलाएकी छैनन् ।