चलचित्र ‘रातो गलबन्दी’को शीर्ष गीत सार्वजनिक (भिडियो सहित)

साउन १७ गतेबाट प्रदर्शनमा आउँने चलचित्र ‘रातो गलबन्दी’को शीर्ष गीत सार्वजनिक गरिएको छ ।

सामाजिक प्रेमकथामा आधारीत चलचित्रको लोकलयमा आधारित शीर्ष गीतमा राजेशपायल राई र श्रेया राईको स्वर, विनोद खुम्बुको संगीत, लोकराज अधिकारीको शब्द छ ।

चलचित्रमा नायिका केकी अधिकारी, कोसिस क्षेत्री र वुद्दि तामाङको मुख्य भूमिका छ । चलचित्रलाई नव–निर्देशक अनिश थापाले निर्देशन गरेका छन् भने गीतको भिडियोलाई गोबिन्द राइले कोरियोग्राफी गरेका हुन् ।

मनिसमा फिल्मस्को ब्यानरमा निर्माण भएको चलचित्रमा किरण माइकलको लेखन, हिमाल कडरियाको कथा, सुमन तामाङको छायांकन, अष्ट महर्जनको एक्सन छ । पूर्वी नेपालका विभिन्न स्थानमा छायांकन गरिएको चलचित्र मनोरञ्जन र सन्देशमा केन्द्रित रहेर तयार पारिएको निर्देशक थापाले जानकारी दिए ।