सौगात र नम्रताको ‘माछा माछा’ को पहिलो पोष्टर

काठमाण्डौं । नायक सौगात मल्ल, नायिका नम्रता श्रेष्ठ, बिजय बराल र अनोज पाण्डे मुख्य भूमिकामा रहेको चलचित्र ‘माछा माछा’ले आफ्नो प्रदर्शन मिति तय गरेको छ ।

तीन जना गाउँले यूवाहरुले शहरिया जीवन स्थापित गर्नका लागि गरेको संघर्षको कथामा चलचित्र बनेको निमार्ण पक्षले जनाएको छ ।

सुनिल गुरुङको लेखन तथा निर्देशनमा तयार भएको चलचित्र कात्तिकको २९ गतेबाट रिलिज हुँदैछ । चलचित्रको प्रदर्शन मितिसँगै यसको पोष्टर पनि सार्वजनिक भएको छ ।

सार्वजनिक पोष्टरमा सौगात, बिजय , अनोजको समुह र अर्का कलाकार माओत्से गुरुङको समुह अलग–अलग देखिएको छ ।

मणिराम पोखरेल कार्यकारी निर्माता रहेको यो चलचित्रलाई सिनेमा आर्ट र नौमती इन्टरटेन्मेन्टको ब्यानरमा रामबाबु गुरुङ र दयाहाङ राइले निर्माण गरेका हुन् ।

चलचित्रमा अनुपम शर्माको संगीत, निमेष श्रेष्ठको सम्पादन, शिवराम श्रेष्ठको छायांकन तथा सुनिल गुरुङको लेखन छ ।