सानी गीतमा समृद्धी शाही

काठमाण्डौं । चलचित्र ‘प्रेम गीत ३’ को लागि बालापनको भुमिकालाई समृद्धी शाही ठकुरी अनुबन्धित भएकी छिन् ।

आसुसेन फिल्मस् प्रोडक्सनले निमार्ण गर्ने चलचित्रमा ‘गीत’को भुमिकामा बालकलाकार शाही अनुबन्धित भएकी हुन् ।

केहि समय अगाडी गीत भुमिकाको लागि क्रिस्टिना गुरुङ अडिसन मार्फत छनोट भएकी थिइन् ।
२७ सयको आवेदनबाट २५ जनालाई छनोट गरी अडिसन गरिएको थियो । त्यस मध्ये क्रिस्टिनाले गीत बन्ने अवसर पाएकी हुन् ।

चलचित्रलाई छेतन गुरुङ र सन्तोष सेनले संयुक्त रुपमा निर्देशन गर्नेछन् । चलचित्र ‘प्रेम गीत ३’ बाटै सन्तोष सेनले निर्देशनमा डेब्यु गर्दैछन् ।

प्रदिप खड्का, क्रिस्टिना गुरुङ, अनुभव, समृद्धी, शिव श्रेष्ठ, मनिष राउत, सुनिल थापा चलचित्रमा अनुबन्धित भइसकेका छन् ।