काठमाण्डौं । भदौको १३ गते रिलिज हुने चलचित्र ‘कबड्डी कबड्डी कबड्डी’को पहिलो गीत सार्वजनिक भएको छ ।
‘दुबो फुल्यो’ बोलको गीतमा हेमन्त राना र ऋतिका श्रेष्ठले स्वर भरेका छन् । हर्क साउदको शब्द तथा एसडी योगीकको संगीत रहेको लोक लयको गीतको भिडियोलाई रेनशा वान्तवा राइले निर्देशन गर्नुभएको छ ।
चलचित्रको यो गीतमा दयाहाङ राई, उपासना सिंह ठकुरी, कर्मा, विल्सन विक्रम राई, विजय बराल, माओत्से गुरुङ लगायतलाई देख्न सकिन्छ । चलचित्रमा वुद्दि तामाङ, रीश्मा गुरुङ, पुष्कर गुरुङ लगायतका कलाकारको पनि मुख्य भूमिका छ ।
चलचित्रमा शैलेन्द्र डी कार्कीको छायांकन, सुरेन्द्र पौडेलको सम्पादन छ । रामबाबु गुरुङको निर्देशनमा बनेको चलचित्रमा रामबाबुको साथमा उपेन्द्र सुब्बाको स्क्रिप्ट छ । चलचित्रमा मणिराम पोखरेल, अर्जुन कार्की र ओम चन्द्र रौनियारको लगानी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया