दिव्याको डेब्यू लक्का जवानबाट नहुने

काठमाण्डौं । चलचित्र ‘लक्का जवान’ बाट अभिनेता दिलीप रायमाझीकी छोरी दिव्याले डेब्यू गर्ने चर्चा चलचित्र क्षेत्रमा निकै चलेको थियो ।

आफ्ना सन्तानलाई चलचित्रमा ल्याउने परिपाटी चलिरहेका बेला दिव्याले हास्य कलाकार शिवहरी पौडेलको निर्देशनमा बन्न लागेको चलचित्र लक्का जवान’ बाट डेब्यू गर्ने हल्ला अब हल्लामै सिमित हुने देखिएको छ ।

अभिनयका साथसाथै चलचित्र निर्माण र निर्देशनमा समेत होमिएका शिवहरीले दिव्यालाई चलचित्रमा डेब्यू गराउन खोजे पनि अध्ययन पूरा नभएका कारण चलचित्र ‘लक्का जवान’ बाटै डेब्यू गर्ने सम्भावना टरेको बताउनुभयो ।

अमेरिकामा अध्ययनरत दिव्याले अहिलेनै अभिनयमा रुची नदेखाएको बताइएको छ ।