चलचित्र ‘लक्का जवान’ को औपचारिक निर्माण घोषणा

काठमाण्डौं । चलचित्र ‘लक्का जवान’ औपचारिक निर्माण घोषणा गरिएको छ ।

बुधबार काठमाण्डौमा आयोजित एक कार्यक्रममा औपचारिक निर्माणको जानकारी गराईएको चलचित्रलाई कलाकार शिवहरि पौडेलले निर्देशन गर्नुहुनेभएको छ ।

चर्चित हाँस्य टेलि सिरियल ‘जीरे खुर्सानी’ निर्देशन गर्नुभएका पौडेलको यो ठूलो पर्दामा डेब्यु निर्देशन हो ।

उहाँले चलचित्रमा केही कमजोरी भए आफूलाई भन्न समेत आग्रह गर्नुभएको छ । चलचित्रले प्रत्यक्ष तथा अप्रत्यक्ष रुपमा धेरैलाई रोजगारी दिएको पनि उहाँको भनाई थियो ।

चलचित्र रिलिज भएको केही समय पछाडि भने चलचित्रको बारेमा यथार्थ कुरा लेख्दा कुनै फरक नपर्ने पौडेलको भनाई थियो ।

चलचित्र ‘लक्का जवान’ बाट अभिनेता दिलीप रायमाझीकी छोरी दिव्याले डेब्यू गर्ने चर्चा निकै चलेको थियो । तर दिव्याको डेव्यू नहुने निर्माण टोलिले जानकारी दिएको छ ।