एजेन्सी । करिम बेन्जिमाको ह्याट्रिकमा रियल मड्रिड औडी कपमा तेस्रो भएको छ ।
बुधबार भएको खेलमा फेनरवाचीलाई ५-३ गोल अन्तरले पराजित गर्दै जिनेदिन जिदानको टिम प्रतियोगितामा तेस्रो बनेको हो । प्रि-सिजनमा खराब नतिजाले दबाबमा आएको रियलले ५-३ को नतिजा निकाल्न सक्यो ।
खेलको छैटौ मिनेटमा ग्यारी रोड्रिग्वेसको गोलबाट रियलले अग्रता बनाएको थियो । १२ औ मिनेटमा बेन्जिमाले खेल बराबरीमा ल्याए ।
२७ औ मिनेटमा बेन्जिमाले रियललाई २-१ को अग्रता दिलाए । ३४ औ मिनेटमा नबिल दादरले खेल २-२ को स्थितीमा ल्याए ।
५३ औ मिनेटमा बेन्जिमाले गोल गर्दै ह्याट्रिक पुरा गरे । ५९ औ मिनेटमा ओजान तुफानले खेल ३-३ को स्थितीमा ल्याएका थिए ।
तस्वीर: गूगल
६२ औ मिनेटमा नाचो फर्नान्डेजले गोल गर्दै रियललाई ४-३ ले अगाडी बढाए । ७९ औ मिनेटमा मारियानो डियाजले गोल गर्दै रियललाई ५-३ को जित दिलाउन सफल रहे ।
मुख्य खेलाडीले चोट बोकेपछि दबाबमा आएको रियललाई पछिल्लो खेलको नतिजाले केही राहत दिएको छ ।
यो खबर पढेर तपाईलाई कस्तो महसुस भयो ?
प्रतिक्रिया