उडिरहेको विमानबाट खस्दा एक विद्यार्थीको मृत्यु

काठमाडौं । उडिरहेको विमानबाट खस्दा एक विद्यार्थीको मृत्यु भएको छ । बेलायतको क्याम्ब्रिज विश्वविद्यालयमा अध्ययनरत एक विद्यार्थीको विमानबाट खसेर माडागास्करमा मृत्यु भएको हो ।

आलाना कटल्यान्ड नामक ती विद्यार्थी अफ्रिकी मुलुक माडागास्करमा जुलाई महिनाको शुरूतिर इन्टर्नशिप गर्न गएकी थिइन् ।

उनी सानो विमानबाट खसेको बताइएको छ । अघिल्लो बिहीवार दुर्गम क्षेत्र अन्जाजाभीमा अनुसन्धान गर्ने क्रममा उनी उडिरहेको विमानबाट खसेकी थिइन् ।

उनी एक प्रतिभाशाली नर्तकी पनि थिइन् । कटल्यान्ड कलेजमा योग साधना पनि गर्थिन् । नृत्य समाज कटाजकी उनी उपाध्यक्ष समेत थिइन् ।

द गार्डियनबाट