आलोचित साम्राज्ञीमाथी भारतीय मिडियाको नजर

काठमाण्डौं । भारतिय मिडियोले नेपाली नायिका साम्राज्ञी राज्यलक्ष्मी शाहलाई नेपालकी महंगी नायिकाको उपमा दिएको छ ।

केहि दिन अगाडि सामाजिक सञ्जालमा शेयर गरेका तस्विरका कारण आलोचित बनेकी नायिका शाहलाई भारतिय मिडिया आज तकले महंगी नायिकाको उपमा दिएको हो ।

त्यसो त आज तकले केह दिन अगाडि मात्रै महानायक राजेश हमाललाई बलिउड अभिनेता अमिताभ बच्चनसँग तुलना गर्दै समाचार लेखेको थियो ।

आज तकले लेखेको छ, ‘साम्राज्ञी नेपाली सिनेमाकी उत्कृष्ट अभिनेत्रीमा एक हुन्, आज उनी नेपाली फिल्म उद्योगमा सबैभन्दा धेरै पारिश्रमिक लिने नायिका हुन् ।’

नेपाली मिडियालाई उद्धृत गर्दै साम्राज्ञीले १६ लाख लिएको खबर पनि आज तकले लेखेको छ । पहिलो फिल्म ‘ड्रिम्स’ बाट डेब्यु गरेको र फ्यान कमाएको पनि उल्लेख गरिएको छ ।

तस्विर :साम्राज्ञीको फेसबुक पेजबाट