‘हल्कारा’को फस्टलुक सार्वजनिक

काठमाण्डौं । चलचित्र ‘हल्कारा’ को फस्टलुक सार्वजनिक भएको छ । विक्रम सापकोटाको निर्देशन रहेको चलचित्र हल्कारा निर्माण टिमले फस्टलुक पोस्टरमा प्रदर्शन मिति भने राखिएको छैन ।

सिनेमाले एक बेरोजगार गाउँको कथा वाचन गरेको बताइएको छ । सामाजिक विषयमा निर्माण भएको ‘हल्कारा’ को कथा निर्देशक सापकोटा स्वयंले तयार पारेका पर्नुभएको हो ।

‘हल्कारा’ मा महेश त्रिपाठी, विनिता थापामगर, उमेश तामाङ, दीपक क्षेत्री, पशुपति राईको अभिनय रहेको छ ।

नेपालको दुर्गम गाउँहरूमा चिठ्ठी पुर्‍याउने जिम्मेवारी पाएको एक युवकको कथामा फिल्म आधारित छ ।