प्रधानमन्त्रीको सिंगापुर बसाइ लम्बियो, कस्तो छ स्वास्थ्य अवस्था ?

काठमाडौं । उपचारका लागि सिंगापुर जानुभएको प्रधानमन्त्री केपी शर्मा ओलीको बसाइ एक दिन लम्बिएको छ ।

शुक्रबार नै स्वदेश फर्कने प्रधानमन्त्री ओलीको कार्यतालिका रहेपनि स्वास्थ्य परीक्षण रिपोर्ट आउन समय लागेकाले सिंगापुरको बसाइ लम्बिएको हो ।

उहाँ सोमबार अपराह्न थाइ एयरलाइन्सबाट काठमाडौं फर्किने प्रधानमन्त्रीको निजी सचिवालयले जनाएको छ ।

प्रधानमन्त्रीको सिंगापुरमा गरिएको स्वास्थ्य परीक्षणका रिपोर्टहरु भने सन्तोषजनक रहेको बताइएको छ ।

१३ वर्षअघि दुवै मिर्गौला प्रत्यारोपण गरिएका प्रधानमन्त्री ओली यसअघि पनि सिंगापुरमा नियमित स्वास्थ्य जाँचका लागि जाने गर्नुभएको थियो ।

स्वास्थ्य परीक्षणका लागि साउन १८ गते सिंगापुर जानुभएका प्रधानमन्त्री ओलीले नेशनल युनिभर्सिटी अस्पतालमा स्वास्थ्य परीक्षण गराउनुभएको हो ।