काठमाडौ । अग्रज कलाकार दम्पत्ति हरिहर शर्मा र शकुन्तला शर्मा फेसियल हाउसले काठमाडौमा आयोजना गरेको तीज महोत्सव २०७६ बाट सम्मानित हुनुभएको छ ।
नेपाल महिला चेम्बरकी अध्यक्ष उर्मिला श्रेष्ठले शर्मा दम्पत्तिलाई ‘शिव पार्वती’ सम्मान प्रदान गर्नुभएको हो ।
उहाँहरुले रंगमञ्चको क्षेत्रमा पुर्याउँदै आएका योगदान र जीवनको हरेक पाइलामा अविचलित रहँदै एकअर्काको सारथी बनेर अगाडि बढिरहेकोले ‘शिव पार्वती जोडी’ को संज्ञा दिँदै सम्मान गरिएको फेसियल हाउसकी प्रवन्ध निर्देशक सुष्मा महराले बताउनुभयो ।
कार्यक्रममा प्रतिनिधिसभा सभामुख कृष्णबहादुरकी पत्नी सीता महरालाई पनि सम्मान गरिएको छ । महिला सशक्तिकरणका लागी लोकतान्त्रिक आन्दोलनमा समेत सामेल भएकी सीतालाई विगतमा गरेको संघर्षको कदर गर्दै अवार्ड प्रदान गरिएको महराले जानकारी दिनुभयो ।
यो खबर पढेर तपाईलाई कस्तो महसुस भयो ?
प्रतिक्रिया