चीनमा सवारी दुर्घटना : ट्रकसँग बस ठोक्किँदा ३६ जनाको मृत्यु, ३६ घाइते

चीनमा भएको सवारी दुर्घटनामा परी ३६ जनाको मृत्यु भएको छ। ३६ जना घाइते भएका छन् । दुर्घटनामा परेको बसमा ६९ जना यात्रु सवार थिए।

देशको पूर्वी जिङसु प्रान्तमा भएको दुर्घटनामा यो हताहती भएको हो ।

स्थानीय समय अनुसार शनिबार बिहान ७ बजे बस दुर्घटना भएको हो।
यात्रुबाहक बस राजमार्गमा गुडिरहेका बेला ३ जना मानिस सहित आइरहेको ट्रकसँग ठोक्किएको थियो।

चिनियाँ प्रहरीका अनुसार बसको टायरको हावा फुस्किएर दुर्घटना भएको अन्तर्राष्ट्रिय सञ्चारमाध्यमले जनाएका छन् । तर थप अनुसन्धान भइरहेको प्रहरीले जनाएको छ।