चरेससहित २ जना पक्राउ

काठमाडौं । काठमाडौंको गोंगबुबाट साढे चार किलो चरेससहित दुई जनालाई प्रहरीले पक्राउ गरेको छ ।

पक्राउ पर्नेमा जाजरकोटको नलगाढ नगरपालिका–१ घर भइ हाल चन्द्रागिरि नगरपालिका–१० थानकोट बस्ने २३ वर्षका भुवन बुढामगर र जाजरकोटको नलगाढ नगरपालिका–३ घर हाल थानकोट बस्ने २८ वर्षका नविनप्रकाश पुन रहेका छन् ।

उनीहरुलाई गएराति पक्राउ गरिएको महानगरीय प्रहरी वृत्त महाराजगञ्जका डीएसपी उमेश मैनालीले जानकारी दिनुभयो । प्रहरीले थप अनुसन्धान गरिरहेको जनाएको छ ।