काठमाडौं । मकवानपुरमा आपसी झगडाका क्रममा एक व्यक्तिले अन्धाधुन्ध बञ्चरो प्रहार गर्दा एक महिलाको मृत्यु भएको छ भने २ जना घाइते भएका छन् ।
मकवानपुरको बकैया गाउँपालिका–३, जलजलेका सुकबहादुर पाख्रिनले आपसी विवादका क्रममा बञ्चरो प्रहार गर्दा सन्तमाया लोको मृत्यु भएको छ भने उनका श्रीमना कुलबहादुर र स्थानीय २६ वर्षीया दिवीमाया मोक्तान घाइते भएका छन् ।
बञ्चरो प्रहारबाट घाइते सन्तमायालाई उपचारका लागि हेटौंडास्थित चुरेहिल अस्पताल लगिएको थियो । उपचारका क्रममा त्यहीँ उनको मृत्यु भएको जिल्ला प्रहरी कार्यालय, मकवानपुरले जनाएको छ ।
उनको टाउकोसहित विभिन्न भागमा चोट लागेको थियो। हत्यामा संलग्न पाख्रिनलाई प्रहरीले हतियारसहित लिई घटनाबारे अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया