काठमाडौं । मोबाइल पसल चोरी गर्ने एक गिरोहलाई प्रहरीले पक्राउ गरेको छ । काठमाडौंको बुढानिलकण्ठमा सन्तोष रिमालले संचालन गर्दै आएका दुप्चेशर मोबाइल टि भि मर्मत तथा बिक्री केन्द्र चोरी गरेको अभियोगमा ५ जनालाई प्रहरीले पक्राउ गरेको हो ।
पक्राउ पर्नेमा ताप्लेजुङ फुङलिङदोख घर भई कपन बस्ने २० वर्षीयको योगेन्द्र मगर, उदयपुर रौतामाइ गाउँपालिका ५ घर भइ ललितपुर चोभार बस्ने १६ वर्षीय योजिस राई, सिन्धुपाल्चोक त्रिपुरासुन्दरि गाउँपालिका घर भइ कपन बस्ने १६ वर्षीय अमृत गुरुङ, रामेछाप चिलाउने घर भइ कपन बस्ने १५वर्षीय बिशाल तामाङ र काभ्रेपलान्चोक मुमिडाँडा गाउँपालिका १ घर भइ कपन बस्ने १५ वर्षीय बिश्राम तामाङ रहेका छन् ।
उनीहरुले गत असोज १५ गते रातको समयमा सटर फोरेर चोरि गरेका थिए । उनीहरुलाई बुधबार महानगरीय प्रहरी वृत महाराजगन्जको टोलिले पक्राउ गरेको हो । उनीहरुको साथबाट चोरिएको १० थान विभिन्न ब्राण्डका मोबाइल, तिनमा प्रयोग भएको सिम र ३ थान डिजिटल घडिसहित पक्राउ गरिएको हो ।
नियन्त्रणमा रहेका उनीहरुमाथि थप अनुसन्धान भइरहेको महानगरीय प्रहरी वृत महाराजगन्जका प्रमुख डिएसपी उमेश लम्सालले जानकारी दिनुभयो ।
यो खबर पढेर तपाईलाई कस्तो महसुस भयो ?
प्रतिक्रिया