धनुषामा गोली चल्यो

धनुषाको हसपुर नगरपालिकामा प्रहरीले आधा हवाई फायर गरेको छ ।
भारतबाट ओसारपसार गरि ल्याइएका सामग्री तस्करले लुकाएर राखेको स्थलबाट बरामद गर्ने क्रममा तस्करले अवरोध खडा गरे पछि प्रहरीले हवाइ फायर गरेको जनाएको छ ।
तस्करले गाउँका महिला र बालबालिकालाई अघि सारेर सामग्री बरामद गर्न अवरोध गरेपछि प्रहरीले बाध्यबश हवाइ फायर गरेको जिल्ला प्रहरी कार्यालय धनुषाले जानकारी दिएको छ ।
निकाल गाउँमा तस्करीको सामग्री जम्मा गरेको बारे प्रहरीलाई जानकारी भएपछि सो सूचनाका आधारमा प्रहरी घटनास्थलमा पुगेको थियो । आज करिब साँझ ६ बजे हवाइ फायर गरेपछि सर्वसाधारण तितरवितर भएका र सामान बरामदको काम भइरहेको एसपी शेखर खनालले बताए ।