चाबहिलमा घर भत्काउने क्रममा पुरिएर ४ जना घाइते, अरु पनि पुरिएको आशंका

काठमाडौं । चाबहिलमा पुरानो घर भत्किदा पुरिएर ४ जना घाइते भएका छन् । शान्तिमार्गमा पुरानो घर भत्काउने क्रममा गारोले पुरिएर ४ जना घाइते भएका हुन् । घाइते मध्ये एकजना बाटोमा हिँडिरहेका र तीनजना मजदुर रहेको प्रहरीले जनाएको छ ।
प्रहरीका अनुसार घाइतेमध्ये दुई जनाको अवस्था सामान्य छ । उनीहरु घर फर्किसकेका छन् भने अन्य दुई जनाको दीर्घायु अस्पतालमा उपचार भइरहेकाे छ ।

घर भत्केको ठाउँमा अरु पनि कामदार परेको आशंकामा घटनास्थलमा उद्धारका लागि प्रहरी खटिएका छन्।