बस दुर्घटनामा १४ घाइते

अर्घाखाँची । अर्घाखाँचीको सितगङ्गा नगरपालिका वडा न।५ जुकेनाको रातामाटामा सोमबार यात्रुबाहक बस दुर्घटना भएको छ ।

सन्धिखर्क नगरपालिकाबाट सितगङ्गा नगरपालिका जुकेना जाँदै गरेको लु २ ख ६६१ को बस बेक्र फेल भएपछि दुर्घटना भएको हो ।

दुर्घटनामा परि १४ जना घाइते छन् । गम्भीर घाइते ९ जनालाई बुटवल रिफर गरिएको प्रमुख जिल्ला अधिकारी विजयराज पौडेलले जानकारी दिए । अन्यको स्थानीय स्वास्थ्य संस्थामा उपचार भइरहेको छ ।