सिन्धुपाल्चोक बस दुर्घटना अपडेट : मृत्यु हुनेको संख्या ९ पुग्यो

काठमाडौं । दोलखाबाट काठमाडौं आउँदै गरेको यात्रुबाहक बस सिन्धुपाल्चोकको सुकुटेमा दुर्घटना हुँदा मृत्यु हुनेको संख्या ९ पुगेको छ। प्रहरीका अनुसार दुर्घटनामा मृत्यु हुनेको संख्या ८ पुगेको हो । मृतकको पहिचान भने हुन बाँकी रहेको प्रहरीले जनाएको छ। चालक धनबहादुर तामाङको सकुशल उद्धार गरिएको छ ।

आइतबार दिउँसो दोलखाको शैलुङ गाउँपालिकाको माघापौवाबाट काठमाडौंको लागि छुटेको शैलुंगेश्वर यातायातको बा २ ख ७२४५ नम्बरको बस चौतारा सांगाचोकगढी गाउँपालिकाको ९ सुकुटेमा दुर्घटना भएको थियो।

बसमा ३४ जना यात्रु सवार थिए। अहिले घाइतेहरुको उद्धार जारी रहेको छ । घटनाको थप विवरण आउन बाँकी छ।