ज्ञानेन्द्र शाहीमाथि कुटपिट गरेको आरोपमा १ जना पक्राउ

काठमाडौं । सामाजिक अभियान्ता ज्ञानेन्द्र शाहीमाथि कुटपिट गरेको आरोपमा चितवन प्रहरीले एक जनालाई पक्राउ गरेको छ ।

गत असोज ११ गते भरतपुरको चौविसकोठी नजिक माइक्रोबसमा सवार शाहीमाथि युवाहरुको एक समूहले निर्घात कुटपिट गरेको थियो ।

घटनामा संलग्न भएको भन्दै प्रहरीले भरतपुर-११ बाट अबिरल पोखरेललाई पक्राउ गरेको छ । प्रहरीका अनुसार आक्रमण गर्ने अन्यको खोजी भइरहेको चितवनका छ ।

शाहीमाथि आक्रमणको आरोपमा एक साताअघि चितवन प्रहरीमा किटानी जाहेरी परेको छ । सोही जाहेरीको आधारमा प्रहरीले आक्रमणमा संलग्नहरुको खोजी गरिरहेको छ ।