काठमाडौं । कैलालीमा बसले मोटरसाइकललाई ठक्कर दिँदा २ जनाको मृत्यु भएको छ । आइतवार कञ्चनपुरको दोधारा चाँदनीबाट पिकनिक गएर नेपालगन्जतर्फ फर्कँदै गरेको बागेश्वरी यातायातको भे १ ख १७३२ नम्बरको बसले घोडाघोडी नगरपालिका–१० पहलमानपुरमा से ३ प ६३७६ नंम्वरको मोटरसाइकललाई ठक्कर दिँदा एक जनाको घटनास्थलमै र एक जनाको उपचारका क्रममा मृत्यु भएको हो ।
दुर्घटनामा स्थानीय रामबहादुर चौधरीको घटनास्थलमै र मानबहादुर चौधरीको उपचारका लागि धनगढी ल्याउने क्रममा बाटैमा मृत्यु भएको थियो । घटनापछि स्थानीयले पूर्व पश्चिम राजमार्ग अवरुद्ध पारेका छन् ।
राजमार्ग अवरुद्ध भएपछि विभिन्न स्थानबाट लामो तथा छोटो दुरीका लागि छुटेका र आउँदै गरेका सवारीसाधन राजमार्गमै रोकिएका छन्।
यो खबर पढेर तपाईलाई कस्तो महसुस भयो ?
प्रतिक्रिया