गोली प्रहार गरी अपहरणकारी पक्राउ, बालकको सकुशल उद्धार

काठमाडौं-  प्रहरीले गोली प्रहार गरी अपहरणकारीको साथमा रहेका बालकको सकुशल उद्दार गरेको छ । गोली लागेर घाइते भएका अपहरणकारीको नारायणी अस्पतालमा उपचार भइरहेको छ ।
गएराति वीरगञ्जको सिर्सिया खाल्वाटोला भन्ने ठाउँमा अपहरणकारी बच्चासहित रहेको भन्ने सूचनाको आधारमा प्रहरीले पक्राउ गरेको हो । घटनास्थल पुगेको प्रहरीले अपहरणकारीलाई एक राउण्ड गोली हानेको हो । बालक अपहरण गरी अभिभावकसँग फिरौती लिँदै गर्दा प्रहरी उसलाई पक्रन सफल भएको हो ।फिरौति लिन लागेका उनले प्रहरी टोलीलाई पेस्तोल ताकेपछि प्रहरीले गोली हानेर नियन्त्रणमा लिएको हो । अपहरणकारीको परिचय खुलाइएको छैन । घटनाबारे जानकारी दिन आज जिल्ला प्रहरी कार्यालय पर्सामा पत्रकार सम्मेलन आयोजना गरिएको छ ।