छोरीलाई कुटपिट गरेको भन्दै सासुले ज्वाईमाथि धारिलो हतियार प्रहार गरेपछि …

काठमाडौं । दाङको घोरही उपमहानगरपालिकामा छोरीलाई कुटपिट गरेको भन्दै सासुले आफ्नै ज्वाईमाथि धारिलो हतियार प्रहार गरेकी छिन् । ससुराली गएका ज्वाईमाथि सासूले धारिलो हतियार प्रहार गरि गम्भीर घाइते बनाएकी हुन् ।

दाङको शान्तिनगर गाउँपालिका ३ का ३१ वर्षीय गणेश चन्दमाथि बुधबार दिउँसो आफ्नै सासू ४१ वर्षीया मधुकुमारी मल्लले धारिलो हतियार प्रयोग गरेकी हुन्। सासूको प्रहारबाट गणेशको टाउकोमा गम्भीर चोट लागेको र उनको राप्ती स्वास्थ्य विज्ञान प्रतिष्ठान घोराही दाङमा सामान्य उपचारपछि थप उपचारका लागि बुधबार राति नै नेपालगञ्ज लगिएकाे प्रहरीले जनाएको छ।

ज्वाईमाथि धारिलो हतियार प्रहार गर्ने मधुकुमारीलाई नियन्त्रणमा लिएर आवश्यक अनुसन्धान अगाडि बढाइएको प्रहरीले जनाएको छ।