रौतहटको मठिया प्रहरी चौकीमा विष्फोट, एक जवान घाइते

काठमाडौं । रौतहटको एक प्रहरी चौकीमा विष्फोट हुँदा एक प्रहरी जवान घाइते भएका छन् ।

रौतहटको इशनाथ नगरपालिकामा रहेको मठिया प्रहरी चौकीमा विष्फोट हुँदा प्रहरी जवान रञ्जित यादव घाइते भएका हुन् ।विस्फोट कसले र किन गरायो भन्ने खुल्न सकेको छैन। प्रहरीले एक जना भारतीय नागरिकलाई नियन्त्रणमा लिएको छ।

पक्राउ पर्नेमा भारत बिहारको ढाका भन्ने स्थानका चन्दन कुमार छन् । उनले प्रयोग गरेको बीआर०५एच६५०९ नम्बरको मोटरसाइकलसहित प्रहरीले नियन्त्रणमा लिएको छ । उनीसँगै मोटरसाइकलमा सवार अर्का व्यक्ति भने फरार भएको प्रहरीले जनाएको छ ।
घटनाबारे थप अनुसन्धान भइरहेको छ ।