संखुवासभामा यात्रुवहाक जीप दुर्घटना, पाँचको मृत्यु

काठमाडौं ३० पुस । संखुवासभाको मकालु ३ समाटारमा यात्रुवहाक जीप दुर्घटना भएको छ । दुर्घटनामा गाउँपालिका अध्यक्ष खड्ग कटुवालसहित पाँच जनाको मृत्यु भएको छ । खाँदबारीबाट भोट खोलातिर गइरहेको बा ५ च १३०९ नम्बरको जीप दुर्घटनामा भएको हो । दुर्घटनामा परि मृत्यु भएका मध्ये खड्ग कटुवाल र अर्का व्यक्ति सुरेश राईको मात्रै सनाखत भएको संखुवासभाका प्रमुख जिल्ला अधिकारी शिवराज जोशीले बताए । अहिले जिल्ला प्रहरी कार्यालय, संखुवासभाको टोली घटनास्थलतर्फ गइरहेको उनले बताए । स्थानीय तह निर्वाचनमा कटुवाल नेकपा एमालेको तर्फबाट गाउँपालिका अध्यक्षमा निर्वाचित भएका थिए । जीपमा गाउँपालिकाका अध्यक्षसहित पुनर्निमाण प्राधिकरणका कर्मचारी सवार थिए ।