काठमाडौँ ।मन्त्रिमण्डल हेरफेरप्रति नेकपाभित्रै असन्तुष्टि चुलिएको छ। केही नेताहरुले औपचारिक रुपमै असन्तुष्टि जनाइसकेका छन् ।
यसैक्रममा नेकपा प्रदेश नम्बर २ का अध्यक्ष प्रभू साहले मन्त्री चयनमा विभेद भएको भन्दै विरोध गरेका छन् ।
मन्त्री बन्ने दौडमा रहेका उनले कार्यसम्पादनको आधारमा मन्त्रिपरिषद पुनर्गठन गर्ने भनिए पनि अन्ततः गुटगत पूर्वाग्रह र लेनदेनकै आधारमा गरेको आरोप लगाएका छन् ।
‘कार्यसम्पादनको आधारमा मन्त्रिपरिषद् पुनर्गठन गर्ने भनिए पनि अन्ततः गुटगत पूर्वाग्रह र लेनदेनकै आधारमा गरेको देखियो’ उनले सामाजिक सञ्जालमार्फत भनेका छन्, ‘मन्त्री हटाउदा वा राख्दा सामान्य कम्युनिस्ट मूल्य मान्यता पनि लागू भएको देखिएन ।’
उनले योग्यहरूलाई हटाउने र अयोग्यलाई मन्त्री बनाउने नेतृत्वको कार्यशैलीले लज्जित बनाएको पनि बताएका छन् ।
ओलीले बुधबार ९ मन्त्री तथा राज्यमन्त्री हेरफेर गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया