१ किलो सुनसहित २ महिला पक्राउ, यसरी ल्याएका थिए ६ डल्ला सुन !

काठमाडौं । रसुवागढी नाकाबाट करिब १ केजी सुनसहित २ महिला पक्राउ परेका छन् ।

विशेष सुराकीका आधारमा खटिएको प्रहरीले सोमबार बिहान रसुवागढी नाकाबाट २ महिलालाई सुनसहित पक्राउ गरेको हो । पक्राउ पर्ने महिलाहरुको नाम भने प्रहरीले सार्वजनिक गरेको छैन । पत्रकार सम्मेलन गरेर उनीहरूलाई सार्वजनिक गरिने प्रहरीले जनाएको छ ।

उनीहरूको साथमा पटुकामा बाँधेर ल्याएको अवस्थामा ६ वटा सुनका डल्ला फेला परेको प्रहरीले जनाएको छ ।