काठमाडौं । अमेरिकी राष्ट्रपति डोनाल्ड ट्रम्प अचानक बिहीबार अफगानिस्तान पुग्नुभएको छ । थैक्सगिविग डेको मौका पारेर ट्रम्प अफगानिस्तानमा तालिबानसँग लडाँई गरिरहेका अमेरिकी सैनिकहरुलाई धन्यवाद दिन पुग्नुभएको हो । यो उहाँको पहिलो अफगानिस्तान भ्रमण रहेको छ ।
ट्रम्प प्रशासनका तर्फबाट अफगानिस्तान जाने विषयमा औपचारिक घोषणा भएको थिएन। सुरक्षाका कारण अफगानिस्तानका राष्ट्रपति अशरफ गनीलाईसमते ट्रम्प आएको जानकारी उहाँ अवतरण भएको केही समय मात्र बताइएको थियो ।
अमेरिकामा नोभेम्बरको चौथो बिहीबार थैक्सगिविग डेका रुपमा मनाउने गरिएको छ । अहिले अमेरिकामा सार्वजनिक बिदा छ ।
यसमा साथीभाई, परिवारका सदस्य बीच शुभकामना आदान प्रदान दिने गरिन्छ । सन् १७८९मा कांग्रेस (अमेरिकी संसद) को आग्रहपछि यस दिनलाई पहिलो राष्ट्रपति जार्ज वांशिगटनले थैंक्सगिविग डे मनाउन सुरुआत गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया