काठमाडौ । १३ औं दक्षिण एसियाली खेलकुद (साग) अन्तर्गत खो खो खेलको पुरुष तर्फमा नेपालले विजयी सुरुवात गरेको छ ।
आइतबार किर्तिपुरमा भएको खेलमा नेपालले बंगलादेशलाई २१-१९ अंकले पराजित गर्यो ।
जितसँगै नेपालले ३ अंक जोडेको छ । खो खोमा नेपालले पहिलो पटक बंगलादेशलाई पराजित गरेको हो । पहिलो इनिङको पहिलो टर्नमा चेन्जिङ गरेको नेपालले १२ जोड्दा दोस्रो टर्नमा बंगलादेशले पनि १२ नै अङ्क जोड्यो ।
दोस्रो इनिङको पहिलो टर्नमा ९ अङ्क जोड्दा नेपाल २१-१२ को स्थितिमा पुग्यो ।
तेस्रो टर्नमा बंगलादेशलाई १० अङ्कको आवश्यकता रहदा ८ अङ्कमात्रै जोड्दा नेपालले पहिलो जित सुनिश्चित गर्यो । नेपालको जितमा धन प्रसाद चौधरी, कुशल मेछे र गणेश विश्वकर्माले समान ४-४ अंक जोडे ।
जितपछि बोल्दै नेपाली टिमका भारतीय प्रशिक्षक आदित्य चिन्तामनले नसोचिएको जित हात पारेको बताए ।
ञमेरा केटाहरु नसोचेको जित निकाले, दोस्रो टर्नमा बराबरी भयो र अन्तिम टर्नमा नसोचेको समय कटाए । हाम्रो टार्गेट नै बङलादेशलाई पराजित गर्नु थियो । जुन सफल भएको छ झ उनले खेलपाटीसँग भने ।
नेपालले भोलि ९ सोमबार० दोस्रो खेलमा भारतको सामना गर्नेछ । आजनै भएको खेलमा भारतले श्रीलंकालाई २१-८ अङ्कले पराजित गर्यो । भारतले दोस्रो इनिङमा एक टर्न मात्रै खेल्दै सहज जित निकाल्यो ।
महिलातर्फ आजनै नेपालले बंगलादेशको सामना गर्दैछ ।
यो खबर पढेर तपाईलाई कस्तो महसुस भयो ?
प्रतिक्रिया