रुपन्देही । पूर्वराजा ज्ञानेन्द्र शाह आइतबार प्रदेश पाँचका बिभिन्न जिल्लाको भ्रमणका लागि यहाँ आइपुगेका छन् ।
साँझ भैरहवा आइपुगेका शाहलाई बिमानस्थलमा उनका समर्थहरुले भव्य स्वागत गरेका थिए । उनी एक हप्ता यहाँ बस्दा बिभिन्न शक्तिपिठहरु जाने कार्यतालिका सार्वजिक गरिएको छ ।
पूर्वराजा शाह रुपन्देहीसहित नवलपरासी, कपिलबस्तु र पाल्पा जिल्लामा रहेका धार्मिक मठमन्दिरमा दर्शन गर्न पुग्ने कार्यक्रम रहेको छ ।
यस्तै राजावादीसँग भेट पनि गर्नेछन् । १६ गते रुपन्देहीको सैनामैनामा रहेको पर्रोहा बोलबम धामको भ्रमण गर्ने कार्यक्रम शाहको छ । त्यस्तै १७ गते रुपन्देहीको मर्चवार स्थित मर्चवारीमाई मन्दिर, १९ गते पाल्पा तानसेनको भगवती मन्दिर, २० गते कपिलबस्तु गोरुसिंगेको पशुपति मन्दिर र २१ गते नवलपरासीको पाल्ही स्थित पाल्ही भगवती मन्दिरमा दर्शन गर्ने कार्यक्रम तय भएको सवारी व्यबस्थापन समितिका संयोजक शक्तिप्रसाद सापकोटाले जानकारी दिए ।
यो खबर पढेर तपाईलाई कस्तो महसुस भयो ?
प्रतिक्रिया