काठमाडौं । भारको तेलङ्गनामा प्रहरी इन्काउन्टरमा मारिएका चारजना संदिग्ध बलात्कारी शव सुरक्षित राख्न अदालतले आदेश दिएको छ ।
तेलङ्गना उच्च अदालतले मारिएका सबैको शव सोमबार राती आठ बजेसम्म सुरक्षित राख्न आदेश दिएको हो। इन्काउन्टरमा मारिएका ४ जनाले २७ बर्षीय एकजना पशु–चिकित्सक युवतीलाई बलात्कार गरी जलाएर मारेका आरोप छ ।
सो अपराधमा संलग्न चारै जनालाई प्रहरीले समातेर गोली हानी मारिदिएको भारतीय सञ्चारमाध्यमले जनाएका छन् । उनीहरुलाई शुक्रबार बिहानै प्रहरीले इन्काउन्टरमा मारेको थियो । संदिग्धहरुको हत्यापछि भारतभर यो घटनाको पक्ष र विपक्षमा बहसहरु भईरहेका छन्।
महिला र मानवअधिकारका क्षेत्रमा काम गर्ने भनिएका संस्थाहरुले यस मामिलालाई लिएर अदालतमा याचिका दायर गरेका छन्। सो याचिकामाथि अदालतले भोली सुनुवाई गर्दैछ। ऐजेन्सी
यो खबर पढेर तपाईलाई कस्तो महसुस भयो ?
प्रतिक्रिया