घरबेटी र डेरावाला ४४ राउण्ड गोलीसहित पक्राउ, के थियो टार्गेट ?

काठमाडौं । नुवाकोटमा ४४ राउण्ड गोलीसहित दुई जना पक्राउ परेका छन् । पक्राउ पर्नेमा बेलकोटगढी नगरपालिका-७ रातमाटा बस्ने आईतराम राई र उनको घरमा डेरा गरी बस्ने ३५ वर्षीय नारायणकाजी आलेमगर रहेका छन् । उनीहरुलाई म्याग्नममा लाग्ने ४४ राउण्ड गोलीसहित प्रहरीले पक्राउ गरेको हो ।

प्रहरी चौकी तारुकाबाट खटिएको प्रहरीले नारायणकाजी आलेमगरको कोठा जाँच गर्ने क्रममा उक्त गोली फेला पारी दुवै जनालाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाइएको छ ।