उदयपुरमा जीप दुर्घटना, ३ जनाको मृत्यु, ५ घाइते

काठमाडौं । उदयपुरमा बोलेरो गाडी दुर्घटना हुँदा तीन जनाको मृत्यु भएको छ । दुर्घटनामा पाँच जना घाइते भएका छन्।

बिहिबार बिहान सवा ९ बजेतिर भारतीय एस के ०१ पिबी ३०६८ नम्बरको जीप जिल्लाको उदयपुरगढी गाउँपालिका ३, गोठटारमा पल्टिँदा तीन जनाको घटनास्थलमै भएको हो।

दुर्घटनामा उदयपुरगढी गाउँपालिका ३ का टिकनारायण श्रेष्ठ, उनका भाइ मीनबहादुर श्रेष्ठ र अर्का स्थानीय ढकबहादुर मगरको मृत्यु भएको प्रहरीले जनाएको छ ।

घाइतेमध्ये गम्भीर अवस्थाका तीन जनालाई अन्य स्थानमा रिफर गरिएको छ, भने दुई घाइतेको उपचार स्थानीय स्वास्थ्य चौकीमा भइरहेको प्रहरीले जानकारी दिएको छ।