काठमाडौं । क्यानडामा आयोजना हुन लागेको पहिलो सिने स्टार अवार्ड २०२० को उत्कृष्ट तीनको मनोनयन सार्वजनिक भएको छ। टप थ्री नोमिनिज सार्वजनिक गर्दै सम्बन्धित विधाका प्रतिस्पर्धीलाई प्रमाणपत्र वितरण गरिएको छ।
अवार्ड अन्तर्गत उत्कृष्ट फिल्मको प्रतिस्पर्धामा प्रसाद,बुलबुल र छक्का पञ्जा ३ परेका छन्।
त्यस्तै उत्कृष्ट अभिनेतातर्फ ए मेरो हजुर ३ बाट अनमोल केसी,प्रसादबाट विपिन कार्की र यात्राबाट सलिनमान बनियाँ प्रतिस्पर्धामा परेका छन्।
अभिनेत्रीतर्फ बुलबुलबाट स्वस्तिमा खड्का,रोमियो एण्ड मुनाबाट सृष्टि श्रेष्ठ र प्रसादबाट नम्रता श्रेष्ठ प्रतिस्पर्धामा परेका हुुन् ।
उत्कृष्ट पटकथा तर्फ प्रसादबाट सुशिल पौडेल,बुुलबुलबाट विनोद पौडेल र छक्का पञ्जा ३ बाट दीपकराज गिरि मनोनयनमा परेका छन् । सह अभिनेताको विधामा ए मेरो हजुर ३ बाट सलोन बस्नेत,छक्का पञ्जा ३ बाट केदार घिमिरे र जय भोलेबाट सौगात मल्ल उत्कृष्ट तीनको मनोनयनमा परेका छन्। सह अभिनेत्रीतर्फ नाइँ नभन्नु ल ५ बाट प्रियंका कार्की, बुलबुलबाट लक्ष्मी बर्देवा र गोपीबाट सुरक्षा पन्त प्रतिस्पर्धामा परेका छन् ।
गत वर्ष (२०७५) सालमा प्रदर्शन भएका फिल्महरु मध्येबाट अवार्डको निर्णायक समितिले उत्कृष्ट तीन प्रतिस्पर्धी चयन गरेको हो। आगामी फेब्रुअरी २२ तारिखमा टोरोन्टोमा हुने अवार्ड समारोहमा कुल १२ विधामा अवार्ड प्रदान गरिनेछ ।
यो खबर पढेर तपाईलाई कस्तो महसुस भयो ?
प्रतिक्रिया